Reseıde jańǵyrmaly tabıǵı resýrstar mınıstrligi qurylýy múmkin
ASTANA. 14 qańtar. QazAqparat - Reseıde jańǵyrmaly tabıǵı resýrstar mınıstrligi paıda bolýy múmkin.
Bul týraly "Kommersant" gazetine silteme jasap, Reseı Jańalyqtar agenttigi habarlady.
Jańǵyrmaly tabıǵı resýrstar mınıstrligin qurý máselesi ótken jyldyń sońynan beri prezıdent ákimshiligi men úkimette qaralýda», - dep jazady basylym.
Gazettiń jazýynsha, 2012 jylǵy jeltoqsan aıynyń sońynda premer-mınıstr Dmıtrıı Medvedev vıtse-premer Arkadıı Dvorkovıchke bul máseleni pysyqtaýdy tapsyrdy.
"Ъ" málimetinshe, jańa qurylym Balyq sharýashylyǵyna baǵyttalyp, bul sala Aýyl sharýashylyǵy mınıstrliginiń quzyrynan shyǵarylatyn bolady.
Jańǵyrmaly tabıǵı resýrstar mınıstrligin qurýǵa balama retinde úkimetke balyq sharýashylyǵy problemasyn sheshý úshin orman, balyq jáne ańshylyq sharýashylyqtary bazasynda Balyq ónerkásibi mınıstrligin qurý usynylýda.
