Reseıde janarmaı eksportyna tolyqtaı tyıym salynýy múmkin

MÁSKEÝ.KAZINFORM – Reseı premer-mınıstriniń orynbasary A.Novak naryqtyq jaǵdaı talap etse, memleket janarmaı eksportyn, sonyń ishinde óndirýshiler úshin de, tolyqtaı toqtatýy múmkin ekenin aıtty. Bul týraly ol Tatarstanda ótken munaı sammıtinde málimdedi, dep habarlaıdy agenttik tilshisi reseılik BAQ-qa silteme jasap.

Novaktyń aıtýynsha, suranys artqan kezeńde eksportqa tyıym óndirýshi emes kompanııalardan bólek janarmaı óndirýshilerge de salynǵan. Sondyqtan eger bul oryndy dep tanylyp, jaǵdaı qajet etse, eksportqa tolyqtaı shekteý engiziledi.

Qazir janarmaıdy shetelge shyǵarýǵa shekteý treıderler men jylyna 1 mln tonnadan az otyn óndiretin kompanııalarǵa qoldanylady. Ol alǵash ret 2024 jyldyń 1 naýryz -31 tamyz aralyǵynda engizilip, keıin ýaqytsha toqtatylǵan. Biraq iri munaı óńdeý zaýyttary úshin keıbir ereksheliktermen qaıta kúshine engen bolatyn.

Buǵan deıin Reseıdiń munaı eksportynan túsetin tabysy tómendegeni týraly habarlaǵan edik.