Reseıde jalaqysy saqtalatyn «jumyssyz kúnder» rejımi 30 sáýirge deıin uzardy
MÁSKEÝ. QazAqparat – Reseı Federatsııasynyń Prezıdenti Vladımır Pýtın COVID-19 vırýsymen tıimdi kúresý úshin buryn engizilgen «jumyssyz kúnder» rejımin uzartatynyn jarııalady, dep habarlaıdy QazAqparattyń menshikti tilshisi.
«El boıynsha jarııalanǵan jumyssyz apta, sonymen qatar kóptegen oblystardyń turǵyndary úshin usynylǵan oqshaýlaný rejimi bizge epıdemııaǵa barynsha qarsy turý úshin aldyn alý sharalaryna barlyq bılik organdaryn jumyldyrýǵa jáne densaýlyq saqtaý júıesiniń resýrstaryn kóbeıtýge múmkindik berdi», - dedi V.Pýtın Reseı halqyna teleúndeýinde.
Sondaı-aq Reseı kóshbasshysy álemde, sonyń ishinde Reseıde indettiń órshýi áli de toqtamaǵanyn atap ótti.
«Osyǵan baılanysty 30 sáýirdi qosa alǵanda, aıdyń sońyna deıin jalaqysy saqtalatyn jumyssyz kúnder rejimin uzartý týraly sheshim qabyldadym», - dep málimdedi V.Pýtın.
Avtor: Medet Ahmetov
