Reseıde izdeýde júrgen qylmysker Aqmola oblysynda ustaldy

KÓKShETAÝ. KAZINFORM — Aqmola oblysynda polıtseıler 2024 jyldyń qazan aıynan beri Reseıde mas kúıinde jol-kólik oqıǵasyn jasaǵany úshin izdeýde júrgen Qazaqstan azamatyn ustady.

Aqmola oblystyq polıtsııa departamenti baspasóz qyzmetiniń habarlaýynsha, oblystyń krımınaldyq polıtsııa basqarmasynyń qyzmetkerleri Qazaqstanda da, kórshiles elderde de zań buzǵan kúdiktilerdi ustady.

— Polıtseıler Arshaly aýdanynda 2024 jyldyń qazan aıynan beri Reseıde izdeýde júrgen kúdiktini ustady. Anyqtalǵandaı, Qazaqstan azamaty Reseı Federatsııasynda júrip, mas kúıinde kólik júrgizip, jol-kólik oqıǵasyn jasaǵan. Onyń ústinen qylmystyq is qozǵaldy. Alaıda kúdikti qashyp ketip, Qazaqstanǵa oralǵan. Reseı ІІM Sverdlov oblysy boıynsha Bas basqarmasy oǵan izdeý jarııalady. Qazirgi ýaqytta qajetti tergeý amaldary júrgizilip jatyr, — dep habarlady departamentten.

Aqmola oblysynda izdeýde júrgen adamdardy anyqtaý jáne ustaý maqsatynda «Quqyqtyq tártip» jedel aldyn alý sharasy júrgizilip jatyr. Tártip saqshylary nebári eki kúnniń ishinde izdeýde júrgen 6 adam men joǵalǵan bir áıeldi tapty.

Eske salaıyq, Aqmola oblysynda «Palaý ortalyǵy» kafesiniń ıesi ustaldy. Kafede bolǵan órtke baılanysty Qylmystyq kodekstiń 292-babynyń 3-bóligi — «Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý» boıynsha qylmystyq is qozǵaldy.