Reseıde zaýytta jarylys bolyp, 40-qa jýyq adam zardap shekti
«Zagorsk optıko-mehanıkalyq zaýyt aýmaǵyndaǵy»Pıroross«kásipornynda bolǵan jarylystan zardap shekken 5 adam jansaqtaý bóliminde jatyr. Jaǵdaılary – aýyr», delingen Máskeý oblysy Sergıev Posad qalalyq okrýgi ákimshiliginiń resmı Telegram-arnasynda.
Qazirgi ýaqytta 38 adamnyń zardap shekkeni habarlanyp otyr.
«Jedel jelige habarlasyp jatqan adamdar tym kóp. Aýrýhana ókilderi jaǵdaıǵa túsinistikpen qaraýdy suraıdy. Dárigerler qolynan kelgenin istep jatyr», - dep tolyqtyrdy ákimshilik ókilderi.
«Zagorsk optıko-mehanıkalyq zaýytyndaǵy jarylysqa keler bolsaq, málimetterdiń bári – aldyn ala boljam. Qazir óndiris ornynda jedel qyzmetter jumys istep jatyr. Detonatsııa pırotehnıka zattary saqtalatyn qoımada shyqqan. Ol jerdi qaladaǵy tanymal kompanııalardyń biri jalǵa alǵan. Jarylys sebebi – tehnologııa protsesteriniń saqtalmaýy», - dedi Memlekettik dýmanyń qurylys jáne TKSh komıtetiniń tóraǵasy Sergeı Pahomov.
