Reseıde zańsyz kóshi-qon uıymdastyrǵandarǵa jaza kúsheıtildi

ASTANA. KAZINFORM – Reseıde Memlekettik Dýma zańsyz kóshi-qondy uıymdastyrǵany úshin qylmystyq jazany qataıtý týraly zań jobasyn qabyldady. Endi osy qylmysty jasaǵandar segiz jyldan on bes jylǵa deıin bas bostandyǵynan aıyrylady, dep habarlaıdy Kazinform agenttiginiń tilshisi.

Zań jobasy avtorlarynyń biri, Reseı parlamenti tómengi palatasynyń tóraǵasy Vıacheslav Volodınniń atap ótýinshe, zań jobasynda 3 mln-nan 5 mln rýblge deıin aıyppul (15 mln 60 myń teńgeden 25 mln 100 myń teńgege deıin, 29 qazandaǵy jaǵdaı boıynsha 1 rýbl – 5,02 qazaqstandyq teńge), sondaı-aq belgili bir laýazymdardy atqarý quqyǵynan aıyrý jazasy qarastyrylǵan.

Qujatta sonymen qatar jalǵan qujat jasaý, sondaı-aq shetel azamattaryn jalǵan tirkeý jáne tirkeýge baılanysty quqyq buzýshylyqtar úshin jaýapkershilikti kúsheıtý usynyldy. Ol boıynsha 2 jyldan 6 jylǵa deıin bas bostandyǵynan aıyrý jazasy qarastyrylǵan.

Qujat avtorlary – Memlekettik Dýma tóraǵasy Vıacheslav Volodın, MD kóshi-qon saıasaty jónindegi komıssııa jetekshisi, vıtse-spıker Irına ıArovaıa, MD barlyq parlamenttik fraktsııalardyń jetekshileri men depýtattary. Zań jobasyn Reseı Federatsııasynyń úkimeti, Joǵarǵy soty, Bas prokýratýrasy jáne Reseıdiń Tergeý komıteti qoldap otyr.

Buryn habarlanǵandaı, Frantsııa 2025 jylǵa qaraı mıgratsııalyq zańnamany kúsheıtpek. 

Eske sala ketsek, maýsym aıynda Eýroodaqta baspana suraǵan ótinishter sany 17 paıyzǵa qysqarǵan.