Reseıde valıýta satýshylardy óltirgen qazaqstandyq sottalýda
ASTANA. QazAqparat - 2015 jyldyń qańtar jáne naýryz aılarynda 27 jastaǵy Qazaqstan azamaty Rýslan Maqsatov valıýta aıyrbastaýmen aınalysqan Ramıl Ismagılov pen Ibragım Magdeevti óltirgen, dep habarlady Oren.ru.
Ol óz avtokóliginiń salonynda qurbandarǵa travmatıkalyq tapanshadan oq atqan. Ekinshi qylmysyn qazir halyqaralyq izdeý jarııalanǵan óziniń jerlesimen birigip jasaǵan. Qaskóıler qaza tapqan valıýtashylardyń 5 mıllıon rýblden astam qarajatyn jymqyrǵan.
Bul is orynborlyq taksı júrgizýshisiniń kómegimen ashyldy, ol kólik salonynda atylǵan oqtyń jolaýshylar avtobýsyna tıgenin kórip, túsinikteme bergen. Maqsatov Orynborǵa úshinshi barmaq bolǵan kezinde ustalyp, qamaýǵa alyndy.
Oqıǵanyń qalaı órbigeni týraly tolyqtaı orynborlyq telearnanyń orys tilindegi sıýjetinen kórýge bolady.
