Reseıde uzyndyǵy 925 shaqyrymdyq gaz qubyrynyń qurylysy bastaldy

Aıtýly sharaǵa el prezıdenti Vladımır Pýtınniń ózi qatysty, dep habarlaıdy 24.kz.

«Ońtústik aǵyny» atty jobanyń basty maqsaty - Reseıdiń kógildir otynyn Eýropaǵa esh deldalsyz jetkizý. Jańa qubyr jelisi ekologııalyq talapqa sáıkes jasalady. Jalpy qubyrdyń qurylysy eki jyl buryn bastalǵan. Endi gaz aıdaıtyn 10 shaqty stansa salynbaq. Qara teńiz arqyly ótetin qubyrdyń uzyndyǵy 925 shaqyrymǵa jetedi. Ol Anapa men Bolgarııanyń Varna qalasyn qosady. Sodan Serbııa, Vengrııa jáne Slovenııa arqyly Italııanyń soltústigine jetedi. El prezıdenti Pýtın «bul tek Reseıdiń energetıkasyna ǵana emes, búkil Eýropanyń energetıkalyq qaýipsizdigi úshin asa mańyzdy joba», dep málimdedi.