Reseıde úsh vırýs túri órship tur
Reseıde tumaý, COVID-19 jáne jiti respıratorlyq vırýstyq ınfektsııalar (JRVI) aýrýlarynyń artýy baıqaldy, dep habarlaıdy Kazinform «Izvestııa» gazetine silteme jasap.
Bul týraly Rospotrebnadzor men Smorodıntsev atyndaǵy tumaý ǵylymı-zertteý ınstıtýty málimdedi.
Basylym aýrýshańdyq kórsetkishi 10 myń turǵynǵa shaqqanda 128,1 jaǵdaıdy quraıtynyn, bul negizgi normadan 83 paıyzǵa joǵary ekenin anyqtady. Osy turǵyda sarapshylar Reseıde úshtik vırýstyq indet bastalǵanyn moıyndaǵan.
Olardyń málimetinshe, qazir negizinen A (H3N2) tumaýy taraýda.
Arnaıy zertteýshiler aqpan-naýryz aılarynda vırýstyń taraý qarqyny tómendeýi múmkin dep boljap otyr.
«Rospotrebnadzor» 2023 jyldyń 18-24 jeltoqsany aralyǵyndaǵy apta ishinde ınfektsııa deńgeıi taǵy 5 paıyzǵa óskenin habarlady. Buǵan qosa, Smorodıntsev atyndaǵy tumaý ǵylymı-zertteý ınstıtýty qarasha aıynyń basynan beri aýrýshańdyqtyń birtindep artqanyn habarlady. Buǵan deıin ınfektsıonıst Irına Davydova 2024 jyly jańa pandemııaǵa alǵysharttar joq ekenin aıtqan bolatyn.
