Reseıde úshinshi kún qatarynan táýligine 25 myń adamnan koronavırýs tabylýda

NUR-SULTAN. QazAqparat - Qazaqstanda koronavırýstyń taralýyna jol bermeý jónindegi vedomstvoaralyq komıssııa álemdegi epıdemıologııalyq ahýalǵa sholý jasady, dep habarlaıdy QazAqparat.

Reseıde COVID-19 órship tur. Kórshiles elde úshinshi kún qatarynan táýligine 25 myńnan astam jaǵdaı tirkelip otyr.

Ótken táýlikte 25 116 adamnan indet anyqtalyp, 787 adam qaıtys boldy.

Jalpy, pandemııa bastalǵannan beri Reseı Federatsııasynda 5,9 mıllıon adam aýyryp, 147 655 adam kóz jumdy.

Sońǵy táýliktegi vırýs juqtyrǵandardyń jalpy sanynan 4,5 myńy - Máskeýde, 2,5 myńy - Máskeý oblysynda, 1,9 myńy - Sankt-Peterbýrgte tirkeldi.

Reseıde indettiń órshýi men ólim-jitimniń artýy maýsymnyń aıaǵy - shilde aıynyń bas kezinde bastalǵan bolatyn.

Grýzııa COVID-19 vırýsyna qarsy kúres aıasynda birqatar shekteýler engizip jatyr.

19 shildeden bastap trenıngterge, konferentsııalarǵa jáne semınarlarǵa qatysýǵa tek koronavırýstyń joq ekenin kórsetetin PTR-test negizinde ruqsat etiledi.

18 jasqa deıingi jasóspirimderge arnalǵan sport týrnırleri men jattyǵýlarǵa qatysýǵa teris nátıjeli PTR-test anyqtamasy usynylǵan kezde ǵana ruqsat beriledi.

Grýzııadaǵy COVID-19 juqtyrý faktileriniń naqty sany búginde 384 387-ge jetti.