Reseıde ushaqtyń apatqa ushyraýyna baılanysty qaraly kún jarııalandy
ASTANA. QazAqparat - Reseı Prezıdenti Vladımır Pýtın senbi kúni Mysyrda reseılik ushaqtyń apatqa ushyraýyna baılanysty 2015 jylǵy 1 qarashany qaraly kún retinde jarııalaý týraly jarlyqqa qol qoıdy, dep habarlaıdy Kremldiń baspasóz qyzmetinen.
«Qaraly kúni el aýmaǵynda RF barlyq týraly tómen túsiriledi. Mádenı mekemeler men teleradıokompanııalarǵa oıyn-saýyq baǵdarlamalaryn toqtatý usynylady. RF úkimetine Reseı Federatsııasynyń memlekettik bılik sýbektileri organdarymen birlesip qaza tapqandardyń otbasylaryn kómek kórsetý boıynsha qajetti sharalardy júzege asyrý júkteledi», delingen habarlamada. Budan buryn Pýtın apattan ajal qushqandardyń otbasylaryna qaıǵyryp kóńil aıtqan edi.
Eske salaıyq, reseılik «Kogalymavıa» áýe kompanııasynyń «Sharm-esh-Sheıh - Sankt-Peterbor» 9268 baǵytyndaǵy Airbus-321 áýe laıneri Mysyrdan jergilikti ýaqyt boıynsha saǵat 6:21-de ushyp shyǵyp, 23 mınýttan keıin radar ekrandarynan joǵalyp ketken. Áýe kemesiniń bortynda 217 jolaýshy men 7 ekıpaj múshesi bolǵan. Mysyrdyń Sınaı túbeginiń ortalyǵynda apatqa ushyraǵan reseılik azamattyq ushaǵynyń synyqtary tabyldy.
Ushaqtaǵy barlyq jolaýshylar men ekıpaj músheleri Reseı azamattary bolyp shyqty. Ushaq bortynda 63 er adam, 138 áıel men 2-17 jas aralyǵyndaǵy 17 bala bolǵan, dep habarlaıdy TASS.
