Reseıde urlanǵan kólik Shyǵys Qazaqstannan tabyldy
ÓSKEMEN. QazAqparat – Reseı Federatsııasynda urlanǵan avtokólik Shyǵys Qazaqstan oblysynan tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Rıdder qalasynda «Qaýipsiz jol» jedel-aldyn alý sharasyn júrgizý barysynda tártip saqshylary «Skoda» markaly avtokólikti toqtatqan.
Kólik tizgininde 27 jastaǵy er adam boldy.
«Tekserý barysynda atalǵan kólik Reseı Federatsııasy Chelıabınsk oblysy Magnıtogorsk qalasynda urlanǵandar esebinde turǵandyǵy anyqtaldy. Avtokólik birden arnaıy turaqqa qoıylǵan» dep habarlady vedomstvo ókilderi.
Qazirgi ýaqytta osy faktige oraı materıaldardy Reseı Federatsııasyna joldaý úshin alǵashqy sharalar júrgizilýde.
