Reseıde ulttyq messendjer paıda bolady

MÁSKEÝ. KAZINFORM — RF Federatsııa Keńesi derekter almasýǵa arnalǵan kópfýnktsııaly tsıfrlyq platformany qurý týraly zańdy maquldady, dep habarlaıdy Kazinform agenttiginiń tilshisi.

Ony tek qarym-qatynas quraly retinde ǵana emes, memlekettik qyzmetter alańy retinde de paıdalanýǵa bolady.

Qosymshanyń erekshelikteri:

• jańa tsıfrlyq platforma messendjer men memlekettik qyzmetterdiń fýnktsııalaryn biriktiredi;
• azamattar tsıfrlyq ID arqyly jeke basyn rastaı alady — qaǵaz qujattardy kórsetýdiń qajeti bolmaıdy – bul qonaqúıge ornalasý kezinde nemese taýar satyp alýda jasyn rastaý sekildi jaǵdaılarda qoldanylady (jekelegen jaǵdaılardy qospaǵanda);
• qosymsha bilim berý salasyndaǵy qatysýshylardyń ózara is-qımylyn qamtamasyz etedi;
• platformany memlekettik jáne jergilikti organdar azamattarmen baılanys úshin paıdalana alady;
• «Gosklıých» júıesimen ıntegratsııa shart jasasý kezinde kúsheıtilgen tsıfrlyq qoltańbany paıdalanýǵa múmkindik beredi;
• bul servıs sheteldik messendjerlerdiń qaýipsiz ári básekege qabiletti balamasy bolmaq.

Osy jyldyń naýryzynda VK Max tsıfrlyq platformasynyń beta nusqasyn iske qosty, ol arqyly paıdalanýshylar messendjerde sóılesip, qońyraý shala alady, sondaı-aq dybystyq habarlamalar men faıldardy jibere alady.

Buǵan deıin Reseıde dropperler úshin qylmystyq jaýapkershilik engizilgeni habarlandy.