Reseıde ýchaskelik polıtseı eki qonjyqty qutqardy
ASTANA. QazAqparat - Reseıdiń Kostroma oblysynda ýchaskelik polıtseı anasyn joǵaltqan eki qonjyqty bir top ıtten qutqardy, dep habarlady óńirlik ІІM basqarmasynan.
Solıgalıchskıı aýdanyndaǵy aýyldardyń biriniń kóshelerinde qonjyqtardyń júgirip júrgeni jaıly habar polıtsııanyń kezekshilik bólimine tústi. Ýchaskelik polıtseı Maksım Karyshev qonjyqtardy ıtterden qutqarý úshin oqıǵa ornyna shuǵyl jetti. Maksım jergilikti ań aýlaý basqarmasymen baılanysqa shyǵyp, ańdardyń adamdarǵa sharasyzdan barǵanyn anyqtady. Olar anasyn joǵaltqan eken, - dep habarlady polıtsııada.
Ýchaskelik polıtseı qonjyqtardy ózimen birge alyp ketti. Ol ańdar úshin jańa meken tapty. Qazir qonjyqtar Tver oblysyndaǵy tálimbaqqa beıimdelip jatyr, dep jazdy rg.ru.
