Reseıde týrıst áıeldi aıý talap tastady
BLAGOVEŞENSK. QazAqparat - Prıamýredegi týrıstik bazada aıý shabýylynan zardap shekken áıel Amýr oblystyq aýrýhanasynda hal ústinde jatyr. Áıeldiń sol qolyn kesip tastaýǵa týra kelgen. Bul týraly seısenbi kúni óńirlik densaýlyq saqtaý mınıstrligi málimdegen, dep habarlaıdy QazAqparat TASS agenttigine jasap.
«Zardap shekken áıel qazir jansaqtaý bóliminde jatyr. Jaǵdaıy aýyr. Aýyr jaraqat alǵan. Qan tamyrlary qatty zaqymdanǵandyqtan, sol qolyn kesip tastaýǵa týra keldi», - deıdi mınıstrlik ókilderi.
Reseı ІІM-niń «Blagoveşenskıı» mýnıtsıpalıtetaralyq bólimi baspasóz qyzmetiniń málimdeýinshe, oqys oqıǵa dúısenbi kúni keshkisin bolǵan. Áıel qapastaǵy aıýǵa azyq beremin dep qolyn sozǵan zamatta jyrtqysh onyń qolyn talap tastaǵan. Jedel top oqıǵa ornyna jetip, tekseriske materıaldar jınaǵan.
RF Tergeý komıtetiniń óńirlik tergeý basqarmasy ókilderiniń aıtýynsha, osy derek boıynsha tekseris júrip jatyr. Tekseris barysynda týrbazanyń aıýdy ustaý men kelýshilerdiń qaýipsizdigine jaýapty qyzmetkerleriniń áreketine quqyqtyq turǵyda baǵa beriledi.
