Reseıde turǵyn úıde shyqqan órt segiz adamnyń, onyń ishinde úsh balanyń ómirin jalmap ketti (FOTO)
ASTANA. QazAqparat - Reseıdiń Tomsk oblysyndaǵy Molchanovo aýylynda bolǵan órt saldarynan segiz adam qaza tapty, sonyń ishinde úsheýi - kámelet jasqa jetpegender, dep habarlady tvzvezda.ru.
Órt jeksenbi, 3 sáýir kúni saǵat 22:00 shamasynda aǵashtan salynǵan jekemenshik turǵyn úıde shyqqan.
Jalyndy sóndirý kezinde úıden jeti adamnyń múrdesi tabyldy: 1938, 1964 jáne 1993 jylǵy úsh áıel, 1957 jáne 1987 jylǵy eki er adam jáne 2006 jylǵy ul men 1999 jylǵy qyz bala. 2000 jyly týǵan ul bala aýrýhananyń jansaqtaý bóliminde qaıtys boldy», - delingen habarlamada.
Qaza tapqandardyń jeteýi týys ekeni, bir er adamnyń olardyń qonaǵy bolǵany naqtylanyp otyr.
«Oqıǵa ornyn tekserý jumystary júrgizilýde, kýágerler suralyp jatyr, sot-medıtsınalyq jáne órt-tehnıkalyq saraptamalar taǵaıyndaldy. Tekserý jumystarynyń qorytyndylary boıynsha protsessýaldyq sheshim qabyldanady», - dedi qutqarýshylar.
TJM-niń aımaqtyq basqarmasynyń málimetterinshe, órt aýmaǵy 80 sharshy metrdi qurady.
