Reseıde turǵyn úıde bolǵan órtten 8 adam qaza boldy
EKATERINBÝRG. TASS-QazAqparat – Reseıdiń Ekaterınbýrg qalasynda turǵyn úıde bolǵan órtten segiz adam qaza boldy. Olardyń arasynda bir bala bar. Bul týraly óńirdiń Tergeý komıtetiniń Tergeý basqarmasynan málim etti, dep habarlaıdy QazAqparat TASS agenttigine silteme jasap.
«12 qańtarda quqyq qorǵaý organdaryna Ekaterınbýrg qalasyndaǵy Rassvetnaıa kóshesinde ornalasqan 9 qabatty turǵyn úıde órt bolyp jatqany týraly habar kelip túsken. Qolda bar aqparat boıynsha órt saldarynan 8 adam mert boldy, onyń ishinde 1 bala bar», - delingen vedomstvo málimetinde.
Kutqarýshylar úıden 90 adamdy, onyń ishinde toǵyz balany evakýatsııalaǵan. 1 jáne 2-dárejeli kúıik alǵan 17 jastaǵy jasóspirim aýrýhanaǵa jatqyzyldy Qaıtys bolǵan bala – 2013 jyly týǵan qyz.
«Barlyǵy 90 adam (onyń toǵyzy- bala) evakýatsııalandy. Olardyń 52-si tynys alý apparaty maskalarynyń kómegimen qutqaryldy. Aıaz bolandyqtan evakýatsııalanǵan turǵyndar órt sóndirý kólikterine ornalastyryldy», - delingen aqparatta.
Órt aýmaǵy 30 sharshy metrdi quraǵan.
«Órt sóndirýshiler órttiń páterden tys taralýyna jol bermedi. Máskeý ýaqytymen saǵat 01:50-de órttiń taralýy toqtatylyp, saǵat 02: 06-da tolyǵymen sóndirildi. Oǵan toǵyz arnaıy tehnıka, jeke quramnan 30 adam jumyldyryldy. Órt ornynda jedel shtab quryldy, onda Sverdlov oblysy boıynsha Reseı TJM Bas basqarmasynyń bastyǵy, ishki qyzmet general-maıory Vıktor Terıaev bar», - dep atap ótti vedomstvoda.
