Reseıde tuńǵysh ret Qyrǵyzstannyń zańsyz mıgranttarynyń konferentsııasy ótkiziledi
MÁSKEÝ. Qyrkúıektiń 13-i. QazAqparat /Narymbek Ysmaǵulov/ - Ekaterınborda qyrkúıektiń 14-inde «Shetelde júrgen Qyrǵyz Respýblıkasy azamattarynyń saılaý quqyqtaryn júzege asyrý» taqyrybynda Reseıdegi qyrǵyzdyń eńbek mıgranttarynyń birinshi konferentsııasy ótedi.
Bul konferentsııanyń bastamashylary men uıymdastyrýshylary - «Qyrǵyz Respýblıkasynyń eńbek mıgranttaryn qoldaý qory», Qyrǵyzstannyń zańsyz eńbek mıgranttarynyń aımaqaralyq qoǵamdyq qozǵalysy, sonymen qatar «Halyqaralyq ıntegratsııany damytý ortalyǵy».
Konferentsııanyń maqsaty: Reseıdiń túrli aımaqtarynda jáne ózge elderde turyp jatqan qyrǵyzdardy biriktirýge qatysty kúsh-jigerdi biriktirý, qyrǵyz eńbek mıgranttary uıymdarynyń Qyrǵyzstan men Reseıdiń Úkimeti men Ortalyq saılaý komıssııasyna Reseı aýmaǵynda olardyń óz erkimen parlament saılaýlarynda daýys berýleri úshin qosymsha saılaý ýchaskelerin ashý týraly talap etýine qatysty usynysqa bastamashylyq jasaý.
Atalyp ótilip otyrǵandaı, forým qyrǵyzdyqtardyń túrli qoǵamdyq qozǵalystarynyń ókilderiniń basyn qosýǵa kúrdeli talpynys bolmaq. Konferentsııaǵa barlyǵy Reseıdiń túrli aımaqtarynyń qyrǵyz qoǵamdyq qozǵalystarynyń 120-dan astam ókili shaqyrylyp otyr.
