Reseıde tsırk kezinde jolbarys kórermen zalyna sekirip ketti
ASTANA.KAZINFORM - Rostov-na-Donýdaǵy tsırk qoıylymy kezinde jolbarystyń arenadan kórermenderge qaraı sekirip bara jatqan vıdeosy tarady, artynsh polıtsııa tergeý bastady, dep habarlaıdy TASS.
Úsh jolbarys qatysatyn qoıylym kezinde arena men kórermen arasyndaǵy qorǵanysh tor qulap, jolbarystardyń biri kórermenderge qaraı sekirip tústi.
Jyrtqysh oryndyqtar arasymen júrip, eresekter balalardy qorǵaýǵa tynysty.
Oqıǵa kezinde eshkim zardap shekken joq, jolbarys qorshaýyna qamaldy.
- Qazirgi ýaqytta bul oqıǵa boıynsha tergeý bastaldy. Oqıǵanyń barlyq mán-jaıy anyqtalady. Tergeý nátıjeleri boıynsha zańǵa sáıkes protsessýaldyq sheshim qabyldanady, - dep málimdedi Іshki ister mınıstrliginiń Rostov oblysy boıynsha Bas basqarmasy.
Reseı Federatsııasynyń Rostov oblysy boıynsha Tergeý komıteti de oqıǵa boıynsha aldyn ala tergeý júrgizedi.
Buǵan deıin Reseıden Qazaqstanǵa Amýr jolbarystary ákelinetini habarlanǵan bolatyn.
