Reseıde traktorlar jarysy bolady
ASTANA. 16 naýryz. QazAqparat - Reseıdiń Rostov oblysynda eldegi jalǵyz traktorlar jarysy bolady, dep habarlaıdy Dnı.rý saıty.
Bıylǵy jarys mamyr aıynda Rostov oblysynyń qurylǵanyna 75 jyl tolýyna oraı «Bızon-Trek-Shok» degen atpen ótkiziledi.
Bul oblysta traktorlar jarysy kópten beri ótkizilip kele jatsa da, alǵash ret bıýdjetten qoldaý kórsetilmekshi. Onyń sebebi byltyrǵy jarysty kórip-tamashalaǵan oblys gýbernatory Vasılıı Golýbevtiń shekten tys áser alǵany bolsa kerek. Sondyqtan ol bıyl oblystyq bıýdjettiń 3 mln. rýblin dál osy jarysqa arnap bólip otyr eken.
Jarysqa reseıdiń kóptegen oblystarynan, tipti jaqyn shetelderden «traktordyń qulaǵynda oınaıtyn shabandozdar» shaqyrylmaqshy. Byltyrǵy jarysqa Rostov oblysy men basqa da aımaqtardan jáne Ýkraınadan jınalǵan 40 shaqty aýylsharýashylyq kásiporyndary «temir tulparlaryn» úkilep qosqan kórinedi.
Sharany uıymdastyrýshylardyń aıtýynsha, traktorlar alamany mehanızator mamandyǵynyń bedelin ósirip qana qoımaı, jastardy aýyl sharýashylyǵy jumystaryna tartýǵa sebin tıgizedi.
Rostovtaǵy eń alǵashqy traktor jarys 2002 jyly bolǵan edi.
