Reseıde tirkelgen kólik jol erejesin 84 ret buzǵan - Óskemen polıtsııasy
Qalalyq polıtsııa basqarmasy baspasóz qyzmetiniń málimetine súıensek, tártip saqshylary jol qozǵalysyn qadaǵalaýdyń tıimdiligin arttyrý úshin «Qorǵaý – qaýipti júrgizýshi» mobıldik qosymshasyn paıdalanýda.
Sol arqyly polıtseıler «Sergek» kamerasynyń vıdeolaryn birden kórip, jalǵan memlekettik nómirlermen júrgen, tehnıkalyq tekserýden ótpegen, izdeýdegi jáne aıyppuldardy qasaqana tólemegen júrgizýshilerdi anyqtaı alady.
«Bıyl qala boıynsha jol qozǵalysy erejelerin buzýdyń 3400-den astam faktisi tirkeldi. Sondaı-aq tólenbegen aıyppuldary bar kólikter anyqtaldy. Máselen, polıtsııa qyzmetkerleri osy qosymshanyń kómegimen jol erejesin 84 ret buzǵan Reseı Federatsııasynyń tirkeý esebindegi BMW kóligin toqtatty. Júrgizýshige salynǵan jalpy aıyppul somasy 2 mıllıon 400 myń teńgeni qurady», - deıdi polıtsııa basqarmasynyń bastyǵy Andreı Mýla.
Eske salaıyq, buǵan deıin QR Іshki ister mınıstrligi jol erejesin buzý faktilerin anyqtaý úshin mobıldik qosymsha qoldanylatynyn málim etken bolatyn.
