Reseıde tirkelgen kólik 4,7 mln teńgege jol erejesin buzǵan
Almatyda «Boryshker» respýblıkalyq jedel aldyn alý is-sharasy jalǵasyp jatyr. Shara jeke sot oryndaýshylarynyń jáne memlekettik kirister departamenti qyzmetkerleriniń qatysýymen júzege asyrylýda.
«Almaty joldarynda respýblıkalyq aktsııa bastalǵaly beri 244 kólik toqtatylyp, mamandandyrylǵan aıyppul turaǵyna ornalastyryldy. Olardyń ıeleriniń sot qaýlysy jáne sot oryndaýshylary boıynsha bereshegi, sondaı-aq jalpy somasy 73 mln teńgeden astam tólenbegen ákimshilik aıyppuldary bar. Máselen, qalada Reseı Federatsııasynda tirkelgen «Toyota Camry» avtokóligi ustaldy, onyń júrgizýshisi 4 574 700 teńge somasynda 132 ákimshilik quqyq buzýshylyq jasaǵan», – dedi Almaty qalalyq Polıtsııa departamentiniń ákimshilik polıtsııa basqarmasynyń bastyǵy Ashat Qulbaev.
Sondaı-aq ol kólik quraldaryn basqarý quqyǵy joq 133 júrgizýshi, buryn kólik quralyn basqarý quqyǵynan aıyrylǵan 15 júrgizýshi jáne jalǵan nómir taqqan 13 júrgizýshi ustalǵanyn atap ótti.
