Reseıde tikushaq qulap, 3 adam mert boldy

MÁSKEÝ. TASS - QazAqparat – Reseılik Kamchatka aralynda Robinson tikushaǵy qulady, aman qalǵandar joq, dep habarlaıdy Reseıdiń Tótenshe jaǵdaılar mınıstrliginiń baspasóz qyzmeti.

Bul týraly QazAqparat reseılik TASS agenttigine silteme jasap habarlaıdy.

Osyǵan deıin shuǵyl qyzmet ókilderi tikushaq bortyndaǵylardyń barlyǵy qaza tapqanyn, ushqysh pen eki jolaýshynyń deneleri oqıǵa ornynan tabylǵanyn málimdegen bolatyn.

«Joǵalyp ketken tikushaqty sol baǵytpen ushqan ózge tikushaq 17 shilde kúni Semıachkova shatqalynan Ýzon výlkanynan 13 km jerden kórdi. Ekıpajdyń barlyǵy mert bolǵan»,-dep habarlady TJM.

Mınıstrlik ókilderi izdeý jumystarynyń aıaqtalǵanyn habarlady. Іzdeý jumystary barysynda qutqarýshylar 1,5 myń km qashyqtyqty barlap shyqty.

Kommertsııalyq maqsattaǵy Robinson tikushaǵy senbi kúni Mılkovo aýylynan Ýzon výlkany arqyly geızerler alqabyna ushyp bara jatqanda joǵalyp ketken. Tikushaqty jeksenbi kúni qulaǵan jerinen, ıaǵnı Úlken Semıachık výlkan alqabynan tapty. Tikushaq aldymen qulap, sodan soń órtengen.

Foto: tass.ru