Reseıde tikushaq qalanyń ortasyna qulady (FOTO)
ASTANA. QazAqparat - Kamchatka ólkesindegi Elızovo qalasynda Mı-2 tikushaǵy apatty jaǵdaıda jerge qondy. Tikushaqta bolǵan 3 adam zardap shekken. BAQ-tyń habarlaýynsha, olardyń biri qaza tapty, dep habarlady TASS agenttigi.
Tikushaq qala ortalyǵyndaǵy Rıabıkov kóshesi boıynsha 50-shi úı mańyndaǵy «Radýjnyı» sport kesheniniń janyna kelip apatty jaǵdaıda qonǵan.
«Úsh adam zardap shegip, aýrýhanaǵa jetkizildi. Kýágerler tikushaq birneshe sekýnd aýada qalqyp, bıiktikten jerge qulǵanyn jetkizdi», - dep habarlady Kamchatka ólkesi boıynsha RF TJM. Bortta úsh adam bolǵan, eki ekıpaj múshesi, bir týrıst. Tikushaq «Krechet» kompanııasyna tıesil. Boljam boıynsha, apatqa qozǵaltqyshtyń tehnıkalyq aqaýy sebep bolǵan.
