Reseıde terrorızmdi nasıhattaǵany úshin Qazaqstan azamaty ustaldy
OMSK. QazAqparat - Reseı Federatsııa Tomsk oblysy boıynsha Federaldyq qaýipsizdik qyzmeti basqarmasynyń qyzmetkerleri ınternette óńir turǵyndary arasynda terrorızm ıdeıasyn nasıhattaǵan 22 jastaǵy Qazaqstan azamatyna qatysty qylmystyq is qozǵady. Bul týraly TASSagenttigi habarlady.
«Qazirgi tańda kúdikti ustaldy. RF Tomsk oblysy boıynsha Federaldyq qaýipsizdik qyzmeti basqarmasynyń tergeý bólimi RF QK-niń 205.2-baby 2-bóligi («Terrorıstik áreketti júzege asyrýǵa jarııaly túrde shaqyrý, terrorızmdi jarııaly túrde aqtaý nemese terrorızmdi nasıhattaý) boıynsha qylmystyq is qozǵady. Bul bap boıynsha jeti jylǵa deıin bas bostandyǵynan aıyrylýy múmkin», - delingen habarlamada.
FQK-da naqtylaǵandaı, kúdikti Tomskte júrip, rezonans týdyrǵan lańkestik aktilerge oń baǵa beretin materıaldardy taratqan. Sondaı-aq ony jasaǵan terrorısterdiń áreketin kópshilik arasynda aqtaǵan.
