Reseıde taýdaǵy shańǵy jolyn qar kóshkini basyp qaldy
MÁSKEÝ. TASS-QazAqparat - Reseı Federatsııasy quramyndaǵy Qarashaı-Sherkesııa respýblıkasyndaǵy Dombaı taý kýrortynda shańǵy jolyn qar kóshkini basyp qaldy, dep habarlaıdy QazAqparat TASS agenttigine silteme jasap.
Tótenshe jaǵdaılar qyzmetiniń habarlaýynsha, qar kóshkini kemi 4-12 adamǵa deıin basyp qalǵan.
«Dombaı kentiniń Mýssa-Achıtara taýynda shańǵy jolyna qar kóshkini túsip, shańǵy jabdyǵyn jalǵa berý pýnkti ornalasqan eki vagon qar astynda qaldy, sondaı-aq dámhana qırady. Qazirgi aqparat boıynsha, kóshkin túsken kezde 4 - ten 12-ge deıin adam qar astynda qalýy yqtımal», - dedi aqparat kózi.
Sondaı-aq oqıǵa ornynan habarlaýshy qar kóshkini qoldan májbúrli jasalǵan bolýy múmkin ekendigin aıta ketken.
