Reseıde taý shańǵy bazasynda qar kóshkini júrdi
NORILЬSK. TASS-QazAqparat - Keshe Reseıdiń Norılsk degen qalasyndaǵy taý shańǵysy kesheninde qar kóshkini júrip, 300 sharshy metr aýmaqty qar basyp qaldy, dep habarlaıdy QazAqparat TASS agenttigine silteme jasap.
Qutqarýshylar qar astynan 15 jasar jasóspirimdi taýyp aldy, onyń súıekteri synǵan jáne denesi qatty muzdap qalǵan.
Jekemenshik týrıstik bazany basqaratyn kompanııanyń basqarma tóraǵasy Igor Shatalov eki adamnyń óz betinshe qar astynan aman-esen shyqqanyn habarlady.
Keıinnen qar astynan bir áıeldiń denesi tabyldy.
Qutqarýshylar qar astynda qalǵan bir úıshiktiń bóligin taýyp, arshýǵa kiristi. Ol úıde 4 adamnan turatyn bir otbasy bolýy múmkin.
Jergilikti bıliktiń málimetinshe, TJM qyzmetkerleri qar astyndaǵy adamdardyń qaıda ekenin aldyn ala anyqtap alǵan. Qazir oqıǵa ornynda aýa raıy nasharlap ketti, sondyqtan adamdardy izdeý qıynǵa soǵyp tur.
Qar kóshkini bolǵan jerde 200 adam men 18 tehnıka jumys istep jatyr.
RF Tergeý komıteti tótenshe oqıǵadan keıin qylmystyq is qozǵady.
Oqıǵa ornynda áli de qar kóshkininiń jalǵasý qaýpi bar.
