Reseıde taǵy bir áskerı bólimshede jarylys boldy, adam shyǵyny bar
NUR-SULTAN. TASS- QazAqparat – Reseıdiń Arhangel oblysynyń Severodvınsk qalasyndaǵy áskerı bólimshede órt shyǵyp, bir adam qaza tapty. Kem degende 10 adam zardap shekken. Bul týraly QazAqparat TASS agenttigine silteme jasap habarlaıdy.
Shuǵyl qyzmet ókilderiniń málimdeýinshe, kemede oqys oqıǵa bolǵan, qazir ol órtenip jatyr.
Arhangel oblysynyń gýbernatory Igor Orlov oqys oqıǵanyń bolǵanyn rastady. «Zardap shekkender bar, qazir sanıtarlyq avıatsııa jiberildi», - dedi ol.
Habarlarǵa qaraǵanda, Severodvınskiden 30 shaqyrym arydaǵy áskerı bólimshede jarylys bolǵan. Keı derekterge qaraǵanda eki adam qaza taýyp, 15 adam zardap shekken.
Eske sala keteıik, úsh kún buryn Reseıdiń Krasnoıarsk ólkesindegi Achın aýdanynda ornalasqan áskerı bólimniń aýmaǵynda jarylys bolyp, órt shyqqan edi.
