Reseıde sot «Islam memleketine» qosylmaq bolǵan MMÝ stýdentin tutqynǵa aldy
ASTANA. QazAqparat - Sársenbi kúni Máskeýdiń Lefortov soty azamattardy Reseıde tyıym salynǵan «Islam memleketi» halyqaralyq lańkestik uıymyna qosylýǵa úgittegen degen kúdikpen MMÝ stýdenti Varvara Karaýlovany tutqyndaýǵa sanktsııa berdi, dep habarlady TASS.
«Sot RF QK 1 bólimi 30-babynda jáne 2-bóliminiń 205,5 babynda kózdelgen RF zańnamasymen lańkestik dep tanylǵan uıym qyzmetine qatysýǵa tyrysýǵa kúdikti Aleksandra Pavlovna Ivanovaǵa (Varvara Karaýlova) qatysty bir aı 25 táýlikke, ıaǵnı 23 jeltoqsanǵa deıin qamaýǵa alýǵa bultartpaý sharasyn aldy», - dep habarlady TASS-qa sottyń baspasóz hatshysy ıÝlııa Skotnıkova.
MMÝ-dyń fılosofııa fakýltetiniń stýdenti Varvara Karaýlova úıinen 27 mamyr kúni ýnıversıtetke baram dep shyǵyp ketip, týystarynan jasyryn túrde Ystambulǵa ushyp ketken. Interpoldyń túrik bóliminiń qyzmetkerleri ony jáne taǵy Reseıdiń 12 azamatyn shekaradan ótpekshi bolǵan jerinen 4 maýsymda ustady. Olar Túrkııaǵa ońtústik shekara arqyly Sırııaǵa ótip, sodyrlarǵa qosylý maqsatymen kelgen.
Ol Ystambuldan 12 maýsymdaǵy reıspen oraldy. Onymen tekserý sharalary ótkizilgennen keıin Tergeý komıteti oǵan qarsy qylmystyq is qozǵamaýǵa sheshim aldy. Maýsym aıynda fılosofııa fakýltetiniń dekany Vladımır Mıronov Karaýlovany oqýdan shyǵarý máselesi ázirge kún tártibinde turǵan joq ekenin aıtty.
Seısenbi kúni sot Karaýlovany IM qataryna tartýǵa tyrysqan adamdardy tutqyndady.
