Reseıde sot Bıvoldyń eks-áıeline japqan jalasyn teriske shyǵarýdy mindettedi
ASTANA. KAZINFORM — Sankt-Peterbor qalasyndaǵy Smolnın aýdandyq soty bloger Ekaterına Bıvoldyń burynǵy kúıeýi — boksshy Dmıtrıı Bıvolǵa qatysty jarııa aıtqan pikirleri men jazbalaryn jalǵan jáne onyń ar-namysyna nuqsan keltiretin dep tanydy. Bul týraly TASS agenttigi habarlady.
Agenttiktiń málimetinshe, sot Ekaterına Bıvoldy áleýmettik jeliler men messendjerlerdegi paraqshalarynda óz sózderin resmı túrde joqqa shyǵarýǵa mindettedi.
Sot sheshiminde jaýapker taratqan aqparattyń shyndyqqa sáıkes kelmeıtini, talap qoıýshynyń ar-namysyna, qadir-qasıetine jáne iskerlik bedeline nuqsan keltiretini kórsetilgen. Osyǵan baılanysty Ekaterına Bıvol ózine tıesili jáne ózi basqaratyn barlyq saıtta, áleýmettik jelilerdegi paraqshalarda jáne messendjerlerdegi arnalar men toptarda sot sheshiminiń qarar bóligin jarııalap, úshinshi tulǵalarǵa keminde alty aı boıy ashyq qoljetimdi bolýyn qamtamasyz etýi tıis.
Іs materıaldaryna sáıkes, Ekaterına Bıvol 2024 jyldyń qyrkúıeginen 2025 jyldyń tamyzyna deıin áleýmettik jelilerde burynǵy kúıeýiniń ar-namysyna nuqsan keltiretin málimetter jarııalaǵan.
Buǵan deıin Bishkek soty Bıvoldyń burynǵy áıelin syrttaı sottap, halyqaralyq izdeý jarııalaǵany belgili boldy. Ekaterına Bıvol áleýmettik jelidegi vıdeoda qyrǵyz halqyna qatysty qorlaıtyn sózder aıtqan.
Qazan aıynda Qazaqstan polıtsııasy áıgili boksshynyń burynǵy jaryna izdeý salǵany málim boldy.
Keıinnen QR Bas prokýratýrasynda Bıvolǵa izdeý jarııalaý isi resmı tirkelgeni aıtyldy.
Іshki ister mınıstriniń orynbasary Sanjar Ádilov boksshy Dmıtrıı Bıvoldyń burynǵy jary Ekaterına Bıvolǵa qozǵalǵan qylmystyq iske qatysty túsinik berdi.