Reseıde sońǵy aptada koronavırýs 49% órshidi, 10 adam ólgen

MÁSKEÝ. QazAqparat - Reseıde sońǵy aptada koronavırýsqa shaldyqqandar sany - 49,2%, al aýrýhanaǵa jatqyzylǵandar sany 39,6% ósti. Bul týraly jýrnalısterge ınfektsııamen kúres jónindegi federaldy jedel shtabtan habarlady, dep jazady QazAqparat TASS agenttigine silteme jasap.

Eldiń 52 aımaǵynda vırýs belgisimen aýrýhanaǵa jatqyzylǵandar sany kúrt ósken, al 65 óńirde qaýipti vırýs juqtyrǵandar sany artty.

Shtab málimetinshe, bir apta ishinde 4509 adam jazylyp shyqty. Bul ótken aptamen salystyrǵanda 23,4%-ǵa kóp.

Osy kezeńde elde vırýstan 10 adam qaıtys boldy.

Jalpy, Reseıde pandemııa bastalǵannan beri atalǵan ınfektsııanyń 22 995 765 jaǵdaıy tirkelip, 22 446 519 adam saýyǵyp shyqty, 399 999 adam qaıtys boldy.