Reseıde Soltústik Kavkaz isteri mınıstrligi quryldy
ASTANA. QazAqparat - Reseı prezıdenti V.V.Pýtın «Reseı Federatsııasy Soltústik Kavkaz isteri mınıstrligi týraly» Jarlyqqa qol qoıdy», dep habarlady Kremldiń baspasóz qyzmetinen.
Qujatta atap ótilgendeı, jańa mınıstrlik «Soltústik Kavkazdy áleýmettik-ekonomıkalyq damytý úshin jaǵdaı jasaýǵa baılanysty máselelerdi keshendi sheshý maqsatynda» quryldy.
Reseı Federatsııasy Soltústik Kavkaz isteri mınıstrligi Soltústik Kavkazdy áleýmettik-ekonomıkalyq damytý salasyndaǵy memlekettik saıasatty óńdeý jáne iske asyrý jónindegi fýnktsııany júzege asyrady jáne Soltústik Kavkaz aýmaǵynda memlekettik baǵdarlamalar men federaldyq maqsattaǵy baǵdarlamalardy iske asyrý jónindegi qyzmetti úılestiredi.
Reseı Prezıdenti V.V.Pýtın óz Jarlyǵymen Reseı Federatsııasy Konstıtýtsııasynyń 83-babynyń «d» tarmaǵyna sáıkes L.V. Kýznetsovty Reseı Federatsııasy Soltústik Kavkaz isteri mınıstri etip taǵaıyndady.
