Reseıde Sochıdegi XXII qysqy Olımpıada oıyndaryna ýaqytty keri sanaý bastaldy
MÁSKEÝ. 7 aqpan. QazAqparat - Sochıdegi XXII qysqy Olımpıada oıyndarynyń ashylýyna týra bir jyl qaldy.
Ýaqytty keri sanaý saǵatyn iske qosý rásimi Habarovskiden Sochıge deıingi Reseıdiń toǵyz qalasynda alma-kezek jalǵasty. Ýaqyt esebin úlken krıstall kúıinde jasalǵan bıiktigi 6 metr, eni 2,2 metrdi quraıtyn arnaıy hronometrler júrgizýde. Hronometrdiń bir jaǵyna Olımpıadaǵa qalǵan ýaqytty kórsetetin elektrondy tablo ornatylsa, ekinshi jaǵynan Paralımpıadaǵa qansha ýaqyt qalǵany kórsetiledi. Máskeýde ýaqytty keri sanaýdy bastaý rásimi jergilikti ýaqyt boıynsha saǵat 11.00-de Manej alańynda ótti.
Jýyrda málim bolǵandaı, Oıyndardyń ashylý rásimine bıletter quny 6 myń rýbldi quraıdy. Olımpıada barysynda basqa sharalarǵa bıletterdiń quny kem degende shamamen 500 rýbldi quraıtyn bolady. Jalpy alǵanda uıymdastyrý komıteti Olımpıada kezinde 250 mln. dollarǵa jýyq qarajat kózin tabýdy josparlaýda.
