Reseıde snarıadtar qoımasy órtenip, oq-dári jarylyp jatyr
MÁSKEÝ. TASS-QazAqparat - Rıazan qalasy mańyndaǵy áskerı bólimniń aýmaǵynda snarıadtar qoımasy órtendi, dep habarlaıdy QazAqparat TASS agenttigine silteme jasap.
Reseıdiń Batys áskerı okrýgi baspasóz qyzmetiniń málimetinshe, órt Jeltýhıno eldi mekeni mańyndaǵy qoımada jana bastaǵan shópten taralǵan.
«Qatty jel soǵyp, órt artıllerııalyq oq-dárilerdi saqtaý alańyna jaıyldy. Áskerı bólimniń shtattyq órt sóndirý bólimi otpen kúresip baqty, alaıda órtti toqtatý múmkin emes edi. Qazirgi ýaqytta áskerı bólimniń tehnıkalyq aýmaǵynda oq-dárilerdiń jarylyp jatqanyn baıqaýǵa bolady», - dedi baspasóz qyzmeti.
Órt kezinde eshkim zardap shekken joq, qyzmetkerler men jeke quram evakýatsııalandy. Qazir TJM kelgen órt sóndirý toptarymen birge órtti oqshaýlaý jáne sóndirýge kiristi.
Kýágerdiń aıtýynshaǵ janyp jatqan qoımalardan úsh shaqyrym jerde ornalasqan Kýzmınka-2 aýylynyń turǵyndary evakýatsııalanǵan.
«Jarylystarǵa baılanysty Kýzmınka-2 eldi mekeniniń turǵyndary evakýatsııalandy. Aýylda barlyǵy 35 úı bar, onda 24 adam turady», - deıdi aýyl basshysy.
