Reseıde SnapChat qoldanbasy buǵattaldy
ASTANA. KAZINFORM — Reseıdiń aqparattyq tehnologııalardy jáne kommýnıkatsııalyq qyzmetterdi qadaǵalaý federaldy qyzmeti (Roskomnadzor) SnapChat qoldanbasyn buǵattady, dep habarlaıdy RIA Novostı.
— Roskomnadzor 2025 jyldyń 10 qazanynda qoǵamdyq kommýnıkatsııalar jelisin ortalyqtandyrylǵan basqarý erejelerine sáıkes servısti buǵattaý sharalaryn qabyldady, — dep jazady basylym.
Agenttik messendjerdiń lańkestik áreketterdi uıymdastyrý jáne qylmyskerlerdi tartý, sondaı-aq reseılikterge qarsy alaıaqtyq jáne basqa da qylmystardy jasaý úshin paıdalanylatynyn málimdedi.
Roskomnadzor 2025 jyldyń 10 qazanynda buǵan deıin Apple kompanııasynyń FaceTime beınekonferentsııa baılanys qyzmetine shekteý qoıǵan bolatyn.
Memlekettik Dýmanyń Aqparattyq saıasat, tehnologııalar jáne kommýnıkatsııalar jónindegi komıtetiniń múshesi Anton Nemkın bul sheshimniń negizdi ekenin, óıtkeni azamattardy qorǵaý basty mindet ekenin aıtty. Ol kóptegen halyqaralyq kompanııalar zań talaptaryn elemeıtinin, sondyqtan jalǵyz amal qylmyskerlerdiń baılanys arnalaryn jabý, shekteý qoıý ekenin jetkizdi.
Eske salaıyq, buǵan deıin Reseıde Roblox onlaın-oıyn platformasy resmı túrde buǵattaldy.