Reseıde SIM-kartalardy qoldan qolǵa satý faktisi úshin aıyppul salady
ASTANA. 4 qarasha. QazAqparat - Reseı Prezıdenti Vladımır Pýtın satyp alýshy tıisti qujattardy usynbastan SIM-kartany qoldan qolǵa satýǵa tyıym salatyn zańǵa qol qoıdy.
Endi tirkelmegen SIM-kartalardy satqan azamattarǵa 5 myń rýbl, al zańdy tulǵalarǵa 200 myń rýblge deıin aıyppul salynatyn boldy.
SIM-kartany saýdalaýshy satyp alýshymen resmı kelisimdi bekitip, onyń kóshirmesi 10 kúnniń ishinde baılanys operatoryna tapsyrylýy tıis. Sonymen qatar baılanys operatory abonentten kelip túsken málimetterdiń durystyǵyn tekserýge jaýapty.
Belgili bolǵandaı, bul sharalar tirkelmegen SIM-kartalardy paıdalanatyn alaıaqtardyń is-qımylyna tosqaýyl qoıýǵa múmkindik beredi.
