Reseıde «Sıbır» men «Torpedo» fýtbol komandalarynyń kezdesýi jappaı tóbeleske ulasty
ASTANA. QazAqparat - Reseıde Ulttyq fýtbol lıgasynyń 26-shy matchynda óner kórsetken «Sıbır» men «Torpedo» (Armavır) komandalary arasyndaǵy kezdesýde fýtbolshylar oıyndy tóbelespen aıaqtady, dep habarlaıdy reseılik BAQ-qa silteme jasaı otyryp Vesti.kz.
16 naýryz kúni Novosibirde ótken kezdesý 2:2 esebimen aıaqtaldy. Valerıı Karpın basqarǵan «Torpedo» komandasy eki dopty penaltıden endirdi. 48-shi mınýtta Roman Grıgorıan kózge tússe, oıynnyń 90-shy mınýtynda Jan-Jak Býgýı ekinshi goldy qaqpaǵa dál baǵyttady. 86-shy mınýtta 11 metrlik taǵy bir soqqyny Aleksandr Vasılev júzege asyra almady.
Býgýıdiń golynan keıin fýtbolshylar alańda tóbeles shyǵardy. Tóreshi «torpedolyq»: Nıkıta Glýshkov pen Abdýlla Abatsıevqa, sondaı-aq «Sıbır» oıynshysy Roman Belıaevqa qyzyl qaǵaz kórsetti.
RFO-nyń Baqylaý-tártiptik komıteti juma kúni fýtbolshylardyń bir-birine qol jumsaýyna qatysty kezekten tys otyrys ótkizedi.
