Reseıde shetelden kelgen sálemdemeler ashylyp, tekserilýi múmkin
ASTANA. QazAqparat - Reseıdiń Internettegi saýda-sattyq kompanııalar qaýymdastyǵy shetelden keletin sálem-saýqattyń 5 paıyzyn ashyp tekserýdi usyndy. Qazir osy másele boıynsha keden qyzmetimen kelissóz júrgizilip jatyr. Olar osylaısha kontrafaktilik ónimmen kúresemiz de sendirýde, dep habarlaıdy reseılik RBK agenttigi.
Internettegi saýda-sattyq kompanııalar qaýymdastyǵynyń basshysy Alekseı Fedorovtyń aıtýynsha, osy másele keden jáne poshta qyzmetimen birge jabyq konferentsııada talqylanady.
Fedorov anyqtalǵan kontrafaktilik ónimdi tárkilep, joıýdy usynady. Ol satyp alýshyny jazalamaý kerek dep otyr. «Óıtkeni ol jasandy taýar ekeninen beıhabar bolýy múmkin. Mundaı jaǵdaıda óndirýshi tarap saraptamaǵa shaqyrylyp, eger jasandylyq aıqyndalsa, zat tárkilenip, joıylady», - dep túsindirdi ol.
