Reseıde sheneýnikterdiń áıelderi men balalaryna bıznespen aınalysýǵa tyıym salýdy usynýda
ASTANA. QazAqparat - RF Memlekettik dýmasynyń konstıtýtsııalyq komıteti tóraǵasynyń orynbasary Vadım Solovev joǵary laýazymdy sheneýnikterdiń, mınıstrlerdiń, gýbernatorlar jáne aımaqtyq parlament basshylarynyń áıelderi men balalaryna bıznespen aınalysýlaryna tyıym salatyn zań jobasyn ázirleýde, dep habarlady www.centralasian.org.
RIA Novostı agenttigine bergen suhatynda Solovev: "Biz bas prokýrordyń balalarynyń bıznesine baılanysty jaıttardy saraptadyq jáne oǵan deıingi birqatar gýbernatorlardyń áıelderi men balalarynyń bıznespen belsendi shuǵyldanǵanynan týǵan oqıǵalardy elekten ótkizdik. Biz memlekettik qyzmet týraly zańǵa eki túzetý engizý qajet degen qorytyndyǵa keldik", - dedi.
Solovevtiń sózinshe, birinshi túzetý prezıdenttiń ózi nemese onyń usynysy boıynsha ózge bılik organdary taǵaıyndaıtyn joǵary laýazymdy tulǵalardyń áıelderi men balalaryna bıznespen shuǵyldanýlaryna tyıym salýdy kózdeıdi. Sonymen birge jalǵan ajyrasý jolymen bul talaptardy buzbaq bolǵandarǵa shamamen bir mıllıon rýbl aıyppul tóletip jáne jumystan bosatý qarastyrylǵan.
