Reseıde shaǵyn avtobýs apatqa ushyrap, 14 adam qaza tapty
ASTANA. QazAqparat - Reseıde shaǵyn avtobýs júk kóligine soqtyǵysyp, 14 adam qaza tapty. Onyń ishinde jasóspirim er bala da bar, dep habarlaıdy TASS.
«Eki adamnyń denesi avtobýstan shyǵaryldy. Sońǵy málimetter boıynsha, qaza tapqandardyń ishinde 17 jastaǵy jetkinshek bar. Odan bólek 5 adam japa shekti, onyń úsheýi - bala» delingen habarlamada.
Jaraqat alǵandardyń biri - 14 jasar qyz bala. Ol aýrýhanaǵa jatqyzylǵan, alaıda jaǵdaıy tym aýyr.
Japa shekken qalǵan jolaýshylardyń jaǵdaıy ortasha aýyr dep baǵalandy. Oqıǵanyń mán-jaıy anyqtalyp jatyr.
