Reseıde segizinshi qabattan qulaǵan mas áıel tiri qaldy
ASTANA. QazAqparat - Reseıdiń Vladıvostok qalasynyń turǵyny 8-shi qabattan qulap, tiri qaldy, dep habarlady «RIA Novostı» agenttigi.
RF ІІM-niń qalalyq basqarmasy ókiliniń habarlaýynsha, jeksenbi kúni alkogoldi ishimdikke mas bolǵan áıel Selskaıa kóshesindegi úıdiń segizinshi qabatyndaǵy terezeniń aldynda temeki shegip otyryp, qulap ketken. Ol aman qaldy, biraq jansaqtaý bóliminde jatyr. Polıtsııa atalǵan fakti boıynsha tergeý amaldaryn júrgizip jatyr. Kórshiler de suralatyn bolady», - dedi vedomsvto ókili.
Bul Vladıvostoktaǵy birinshi jaǵdaı emes kórinedi. ІІM-niń qalalyq basqarmasynyń habarlaýynsha, 2012 jyly er adam turǵyn úıdiń 20-shy qabatynan qulap, tiri qalǵan. Ol jol talǵamaıtyn kóliktiń ústine qulap, aman qalǵan.
