Reseıde sary-qońyr tústi qar jaýdy
ASTANA. QazAqparat - 24 naýryzda Reseıdiń Saratov oblysynda sary-qońyr tústi jaýǵan qar turǵyndardy alańdatty. Halyq bul qubylysty hımıkattar nemese zymyran ushyrý saldarynan bolýy múmkin dep ábigerge tústi.
«Sary-qońyr tústi qar tańerteń jaýǵan. Jergilikti turǵyndar qardyń túsi zymyran otyny - geptılge qatty uqsatqan», dep jazady óńirdiń «Vzglıad-ınfo» saıty.
Alaıda, óńirlik Gıdromet ortalyǵynyń basshysy Mıhaıl Boltýhın sary qar turǵyndar úshin qaýipti emes ekenin aıtty. «Qaýiptenetin eshteńe joq. Árkim árqalaı aıtýy múmkin, biraq bul sary qum», - dedi ol.
Onyń aıtýynsha, mundaı qubylys - sırek jaǵdaı emes, ótken jyly da osyndaı qar jaýǵan.
«Qazir jaǵdaı ózgeshe, - dep atap ótti meteorolog, - Bizdiń óńirge birneshe táýlik boıy Arabııa araly mańynan kelgen ystyq aýa aǵyny tarady. Al atalǵan aral aýmaǵynda qumdy daýyl soǵyp jatyr».
«Bul shańdy aýada qum qospalary eleýli bıikke kóterip, kóp aýmaqtarǵa jańbyr, qar túrinde jaýady», - dedi ol.
Túrli-tústi qar - Reseıde birinshi ret jaýyp otyrǵan joq. 5 naýryzǵa qaraǵan túni sary qar Krasnokamensk qalasynda da jaýǵan.
