Reseıde Pýtın esimdi balanyń Shoıgý atty baýyry dúnıege keldi
ASTANA. QazAqparat - Reseıdiń Vladımır oblysynda jańa týǵan balaǵa RF Qorǵanys mınıstriniń qurmetine Shoıgý esimi berildi, dep jazady RIA Novostı.
Balanyń tolyq esimi Shoıgý Hýrmedovıch Djýraev.
Buǵan deıin osy áýlette Rasýl esimdi balanyń atyn Pýtın dep ózgertken bolatyn. Jańa týǵan Shoıgý men kishkene Pýtın ekeýi nemere aǵaıyndy bolyp keledi.
Jergilikti basylymdardyń habarlaýynsha, balalarǵa esimdi atasy - Rahmon Djýraev tańdaǵan. Aqsaqaldyń aıtýynsha, áýlet onyń atyn Shoıgý dep qoıý týraly sheshimdi sábı dúnıege kelmes buryn qabyldap qoıǵan eken.
Djýraevtar áýleti Vladımır oblysy Aleksandrov aýdany Legkovo aýylynda turady. Olar Tájikstannan kóship kelgen jáne Reseı azamattyǵyn alǵan.
