Reseıde psıhıatrııalyq aýrýhanadan órt shyǵyp, 38 adam qaza tapty
ASTANA. 13 qyrkúıek. QazAqparat - Máskeý túbindegi Ramenskıı kentindegi psıhıatrııalyq aýrýhanadan órt shyqty, dep habarlady RBK.
Órtený kezinde 38 adam qaza tapty, dep málimdedi RBK Densaýlyq saqtaý mınıstriniń baspasóz hatshysy Oleg Salagaı. Buryn Máskeý oblysy boıynsha QІІB resmı ókili Gennadıı Bogachevtiń málimetinshe, qurban bolǵandar - 36.
Qazirgi sátte órt sóndirildi, órtený aýdany 420 sharshy metrdi qurady. TJD málimetteri boıynsha, 12 qaza tapqan adamnyń múrdesi tabyldy. TJ ornyna Máskeý oblysy gýbernatorynyń m.a. Andreı Vorobev kelip jetti.
"Bul orny tolmas qaıǵy. Qolymyzdan kelgenshe qaza tapqandardyń týystary men zardap shekkenderge járdemdesemiz. Qazir biz úshin eń bastysy - bolǵan oqıǵa sebepteriniń basyn ashý", - dep jetkizedi A.Vorobevtyń sózin "Reseı" telearnasy.
TJ ornynda TJM 110 qyzmetkeri jáne ІІM 45 qyzmetkeri jumys isteýde, 30 tehnıka jumyldyryldy.
