Reseıde prezıdenttik saılaýdyń ótetin kúni belgili boldy
ASTANA. QazAqparat - Reseı prezıdenttigine saılaý 2018 jylǵy 18 naýryzda ótedi. Bul jaıly Reseı Ortalyq saılaý komıssııasynyń hatshysy Maııa Grıshına málimdedi, dep habarlaıdy TASS.
«5-i men 10-y (naýryzdyń) aralyǵyndaǵy aptada bir mereke kúni bolǵandyqtan, saılaý kelesi jeksenbide ótedi. Sondyqtan biz jurttyń bárine qazirden-aq resmı jarııalaımyz, 18 naýryzda saılaý ótedi», - deıdi Grıshına Reseı Eńbek mınıstrliginiń keler jylǵy demalys jáne meıram kúnderi týraly jobasyna pikir bildire otyryp.
Buryn Reseı Eńbek mınıstrligindegiler áleýmettik-eńbek qatynastaryn retteý jónindegi úkimet komıssııasynyń 2018 jyly demalys kúnderin kóshirý kestesin bekitkenin málimdegen bolatyn. Qujatqa sáıkes, reseılikter 8 naýryzdan 11 naýryzǵa deıin demalady.
