Reseıde prezıdent saılaýy naýqany bastaldy
ASTANA. QazAqparat - Reseı prezıdentin saılaý boıynsha naýqan resmı túrde dúısenbi kúni - daýys berýge úsh aı qalǵanda bastaldy, dep habarlaıdy TASS agenttigi.
Úmitkerlerdiń Saılaý komıssııasyna qujat tapsyrýǵa, sezderde resmı úmitkerlikke usynylý rásimin ótip, qol jınap, aýqymdy úgit-nasıhat jumystaryn júrgizýge jáne telearnalar men radıolardaǵy debattarda qarsylastarymen pikir talastyrýǵa 90 kúni bar.
Federatsııa keńesi 15 jeltoqsanda ótken plenarlyq otyrysta Reseıde prezıdent saılaýyn ótkizý kúnin 2018 jyldyń 18 naýryzyna belgilegen. Prezıdent saılaýyn ótkizý úshin federaldyq bıýdjetten 14,9 mlrd rýbl bólingen. Sondaı-aq, 23 áleýetti úmitker saılaý naýqanyna qatysatyndaryn málimdegen.
OSK basshysy Ella Pamfılovanyń aıtýynsha, 23 adam saılaýǵa qatysýǵa ótinish bildirgen. Olardyń ishinde Vladımır Pýtın, Ksenııa Sobchak, Vladımır Jırınovskıı, Borıs Tıtov, Gennadıı Zıýganov jáne Grıgorıı ıAvlınskıı bar.
