Reseıde poıyz jolaýshysy adamdardy pyshaqtap, keıin óz-ózine qol jumsady

Oqıǵa Samara oblysynyń Obdýlıno stansasynyń mańynda boldy, dep habarlady Ýtro.rý Volga mańy polıtsııasyna silteme jasap.

Quqyq qorǵaý organdary qyzmetinen málim etkendeı, tórt adam Samaranyń kezekshilik aýrýhanasyna jetkizildi. Jolaýshylarǵa shabýyldaǵan er adamdy qutqarý múmkin bolmady. Adamdardy keskilep tastaǵan Ovcharov tambýrǵa júgirip shyǵyp, óz moınyna pyshaq suqqan. Qylmysker qannyń kóp mólsherin joǵaltýdan kóz jumdy.

Oqıǵanyń mán-jaıy ázirshe belgisiz, oqıǵa ornynda tergeýshiler jumys isteýde. Poıyz jolserikteriniń aıtýynsha, er adam ishimdik ishpegen, tek telefonmen áńgimelesken, biraq jolaýshylardyń eshqaısysymen sóılespegen. Bir mezette ol ornynan atyp turyp, pyshaq alyp shyǵyp, adamdarǵa shabýyldaǵan.