Reseıde poıyzdyń 8 vagony relsten shyǵyp ketti: zardap shekkender bar

ASTANA. KAZINFORM — Reseıdiń Volgograd oblysynda jolaýshylar poıyzynyń segiz vagony relsten shyǵyp ketti. Aldyn ala málimet boıynsha, oqıǵa JKO saldarynan bolǵan, dep jazady TASS.

Jedel qyzmet zardap shekkender bar ekenin habarlady.

«Aldyn ala málimet boıynsha, JKO saldarynan Qazan-Adler poıyzynyń segiz vagony relsten shyǵyp ketti, olardyń bir bóligi aýdarylyp qalǵan. Zardap shekkender bar. Olardyń naqty sany ázirge belgisiz», - dedi agenttiktiń suhbattasýshysy.

Onyń aıtýynsha, jolaýshylar vagondardan ózderi shyqqan. Oqıǵa ornynda barlyq jedel qyzmet jumys istep jatyr. Zardap shekkenderge jergilikti jerde kómek kórsetiledi nemese aýrýhanalarǵa jetkiziledi.