Reseıde poıyz vagondary relsten shyǵyp ketti: zardap shekkender arasynda Qazaqstan azamattary bar ma

ASTANA. KAZINFORM — Reseıdiń Volgograd oblysynda jolaýshylar poıyzynyń segiz vagony relsten shyǵyp ketken bolatyn. QR Syrtqy ister mınıstrligi zardap shekkender arasynda Qazaqstan azamattary joq ekenin málimdedi.

«Zardap shekkender arasynda azamattarymyz joq», - delingen habarlamada.

Aldyn ala málimet boıynsha, oqıǵa JKO saldarynan bolǵan.

«Qazan-Adler poıyzynyń segiz vagony relsten shyǵyp ketti, olardyń bir bóligi aýdarylyp qalǵan. Zardap shekkender bar. Olardyń naqty sany ázirge belgisiz», - dedi agenttiktiń suhbattasýshysy.