Reseıde polkovnıktiń úıinen 124 mln dollar tárkilendi
ASTANA. QazAqparat - Tergeýshiler Reseı ІІM Ekonomıkalyq qaýipsizdik jáne sybaılas jemqorlyqqa qarsy bas basqarmasy «T» basqarmasynyń basshysynyń orynbasary Dmıtrıı Zaharchenkonyń úıin tintidi. Polkovnıktiń úıinen 8 mlrd rýblge teń valıýta (shamamen 124,6 mln dollar nemese 42,1 mlrd teńge) tabylǵan, dep habarlaıdy reseılik RIA Novostı agenttigi.
«Polkovnık Zaharchenkony tintý jaqynda aıaqtaldy. Bastapqy sanaq boıynsha odan rýblge shaqqanda 8 mlrd bolatyn iri somadaǵy dollar tárkilendi», - dedi agenttikke aqparat berýshi.
«Barlyq baılyǵy belgisiz. Tek úıdegi qolma-qol aqsha ǵana tárkilendi, onyń taǵy da qandaı aktıvteri bar ekenin anyqtaý baǵytynda is júrgizilýde», - dedi ol.
